FLASH
Shkruar nga Pamfleti
Gjykata Kushtetuese ka rrëzuar kërkesat e ish-ministrit të Mjedisit, Lefter Koka.
Ish-ministri përmes një kërkese drejtuar Gjykatës kërkonte shfuqizimin si antikushtetues të dy vendimeve të Gjykatës së Lartë.
Në ankimin e depozituar, Koka kërkon shfuqizimin e vendimit të marrë nga Kolegji Penal i Gjykatës së Lartë që rrëzoi kërkesën e bërë për ndryshimin e masës së sigurisë “arrest me burg” të marrë nga Apeli i GJKKO më 5 janar 2023.
Sipas Lefter Kokës, vendimi i marrë është i papajtueshëm me Kushtetutën e Shqipërisë.
Po ashtu kërkohet shfuqizimi i vendimit të marrë dhe dërgimi për rishqyrtim në Gjykatën e Lartë.
Ish-ministri Lefter Koka aktualisht ndodhet në burg, pasi është shpallur fajtor për aferën e inceneratorëve, atë të Elbasanit dhe Fierit.
Ish-Ministri i Mjedisit Lefter Koka u dënua me 6.8 vite burg nën akuzat për korrupsion e pastrim parash, vendim i marrë në shtatorin e vitit të shkuar.
Lini një Përgjigje