FLASH
Shkruar nga Pamfleti
Deputeti i Partisë Demokratike, Asllan Dogjani ka reaguar për ngjarjen e rëndë në Fier, ku mbeti i vrarë efektivi i Shqiponjave.
Dogjani kërkon nga instancat përkatëse që të zbardhin të gjitha rrethanat e ngjarjes në mënyrë që autori të mbajë përgjegjësi.
“Është një ngjarje shumë e rëndë. Një ngjarje e dhimbshme jo vetëm për kolegët dhe familjen e tij, por edhe për gjithë qytetarët shqiptarë për faktin se vritet shteti vritet polici me uniformën e shtetit. I kërkoj organeve ligjzbatuese që të sqarojnë të gjitha rrethanat e ngjarjes, të çojnë autorin para përgjegjësisë penale, të marrin masa për të kthyer policinë në misionin e saj, për të rikthyer policinë në punën parandaluese të veprave penale”, tha Dogjani për Ora News.
Dogjani nuk kursen akuzat ndaj Policisë së Shtetit, ndërsa thekson se bluzave blu u ka dalë situata nga kontrolli.
“Policia në vitet e fundit dita ditës ka dalë nga misioni i saj. Policia duhet të bëjë një punë parandaluese. Në momentin kur ne shohim që një djalë i ri lëviz i armatosur dhe qëllon mbi policinë e shtetit imagjinojeni se në çfarë deregjeje ka shkuar siguria e jetës në Shqipëri. Policisë i ka dalë situata nga kontrolli", tha Dogjani.
Lini një Përgjigje