FLASH
Shkruar nga Pamfleti
Banorët e fshatit Zëmblak në Maliq vuajnë mungesën e ujit të pijshëm. Ata shprehen se uji shkon vetëm dy orë në ditë, por është i pamjaftueshëm për nevojat e tyre.
Banorët theksojnë se fshati ka edhe problematika të tjera si braktisja nga të rinjtë për shkak të mungesës së investimeve, ndërsa shtojnë se fajtor për këto situata është shteti që i ka lënë në harresë totale.
Edhe pse zona njihet për burime ujore, fshati Zëmblak thahet për ujë. Zgjidhja e vetme për familjet mbetet grumbullimi i ujit në depozita për përdorim.
“Përveç mungesës së ujit, nuk ofrohen as shërbime të tjera bazë, madje as në varrezat e fshatit, të cilat janë lënë në mëshirë të kohës”, tha një banor i zonës për “Syri TV”.
Në Zëmblak, të rinjtë janë larguar prej vitesh drejt qyteteve ose jashtë vendit, duke lënë pas një zonë që po boshatiset çdo ditë e më shumë.
Ndërkohë, banorët i bëjnë apel institucioneve të ndërhyjnë menjëherë pasi jetesa në këto kushte është shumë e vështirë.
Lini një Përgjigje