FLASH
Shkruar nga Pamfleti
Eksperti i Kriminalistikës Ervin Karamuço ka folur lidhur me ngjarjet kriminale që kanë pasur në fokus efektivë të Policisë së Shtetit.
Ai ka komentuar rastin e Shkodrës ku punonjësit të policisë Kastriot Selimajt iu vendos tritol në automjet. Karamuço shprehet se në 24 muajt e fundit janë shënuar tetë raste të vendosjes së lëndëve eksplozive në banesa apo automjete në pronësi të efektivë të Policisë.
“Në 24 orët e fundit kemi tre raste, në është kanosje serioze për jetën, ditën e djeshme, ku ajo ditë u gdhi me një ngjarje të rëndë si ajo e Shkodrës. Kemi rastin e tetë brenda dy viteve në Shkodër vendosjes e lëndëve eksplozive në objekte apo mjete të efektivëve të Policisë”, tha ai për “Abc News”.
Sipas tij, këto sulme vijnë si kundërpërgjigje nga bandat, pasi Policia e Shkodrës është kampione sa i takon aksioneve kundër rasteve të trafikimit dhe kultivimit të lëndëve narkotike.
“Janë mesazh i qartë për të ndryshuar qëndrim ndaj bandave në qytetin verior. Drejtoria e qarkut të Shkodrës, është drejtoria kampione për aksionet që ka marrë kundër kultivimit të lëndëve narkotike, Janë asgjësuar mbi 100 mijë rrënjë kanabis dhe kjo ngjallur një reaksion tek bandat që kultivojnë kanabis”, u shpreh eksperti.
Po ashtu një efektiv policie u sulmua me thikë në qytetin e Durrësit, këtë të enjte. Për këtë rast, Karamuço tha se Policia duhet të dijë të ndërhyjë me saktësi në të tilla raste, pasi personat që kanë armë të mprehta në dorë, mund të shkaktojnë edhe humbje jetësh në radhët e Policisë.
“Policia duhet të kenë kujdes se si ndërhyjnë dhe si neutralizohen këto persona. Policia duhet të dijë se si të ndërhyhet, jo fizike, sepse mund të na kushtojë jetën e ndonjë efektivi”, përfundoi Karamuço.
Lini një Përgjigje