FLASH
Shkruar nga Pamfleti
Kryetari i Bashkisë së Devollit, Eduard Duro ka shkuar ditën e sotme në SPAK.
Mësohet se Duro është paraqitur në ambientet e Prokurorisë së Posaçme pasi është akuzohet për shpërdorim detyre.
Eduard Duro, kryebashkiaku socialist i Devollit rrezikon të humbë mandatin pasi është marrë i pandehur nga Prokuroria e Posaçme që e akuzon për veprën penale "Shpërdorim i detyrës", në lidhje me licencimin e një objekti të ndërtuar pa leje në territorin e bashkisë që drejton.
Eduard Duro është njohur ditë më parë me vendimin e SPAK për ngritjen e akuzës zyrtare dhe marrjen e tij të pandehur. Ai akuzohet se ka licencuar një karburant, godina e të cilit në fakt ishte ndërtim pa leje.
Kjo do të thotë se hetimet kanë përfunduar dhe çështja është gati për t'u dërguar për gjykim, ndaj kryebashkiaku socialist i Devollit ka marrë tashmë statusin i pandehur.
Kjo nuk e bën atë fajtor, por është në cilësinë e personit të dyshuar për kryerjen e një vepre penale.
Eduard Duro i shtohet listës së gjatë të zyrtarëve të lartë socialistë, duke përfshirë ministra e ish-ministra, deputetë dhe kryebashkiakë që janë goditur nga SPAK për shkak të veprave penale që lidhen kryesisht me shpërdorimin e detyrës.
Lini një Përgjigje