FLASH
Shkruar nga Pamfleti
Sali Berisha, kreu i PD-së, përmes avokatëve të tij, ka bërë rekurs në Gjykatën e Lartë, kundër vendimit të Apelit të GJKKO-së, që i ka caktuar masën e sigurisë ‘detyrim paraqitje’ dy herë në muaj.
Prej 3 janarit, Berisha doli nga ‘arresti i shtëpisë’ ku pothuajse qëndroi 1 vit, pasi Apeli i GJKKO-së i ndryshoi këtë masë sigurie duke i caktuar atë të detyrimit të paraqitjes.
Por kreu demokrat në rekursin e depozituar në Gjykatën e Lartë kërkon shuarjen e masave të sigurisë, duke pretenduar se ndaj tij nuk ka prova dhe fakte.
Berisha u lirua më 27 nëntor 2024, pas rreth një viti në arrest shtëpiak, për shkak të akuzave për përfshirje në dosjen “Partizani.”
Ish-kryeministri është marrë i pandehur për korrupsion pasiv, bashkë me dhëndrin e tij Jamarbër Malltezi, i cili vazhdon të jetë në arrest shtëpie. Malltezi fillimisht u arrestua dhe qëndroi disa javë në qeli por më pas iu ndryshua masa e sigurisë nga arrest në burg në atë të shtëpisë.
Lini një Përgjigje