FLASH
Shkruar nga Pamfleti
Seanca ndaj ish-kryeministrit Sali Berisha, i cili kërkon heqjen e masës së sigurisë “arrest në shtëpi”, është shtyrë.
Mësohet se seanca është shtyrë për shkak se gjyqtarja Irena Gjoka ishte pjesë e një trupi tjetër gjykues.
Seanca për revokimin e masës së sigurisë ‘arrest shtëpie’ ishte parashikuar të mbahej sot në orën 15:00.
Kujtojmë se Gjykata e Posaçme kundër Korrupsionit ka vendosur për Berishën masën e sigurisë “arrest shtëpie” që prej 30 dhjetorit të vitit 2023, në lidhje me aferën e kompleksit Partizani.
Ish-kryeministri është vënë nën akuzë për korrupsion, së bashku me dhëndrin e tij, Jamarbër Malltezi.
Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese.
Lini një Përgjigje