FLASH
Shkruar nga Pamfleti
Zhbllokohet ndeshja në Dyseldorf. Spanja ndëshkon Shqipërinë.
Nuk pritej të ndëshkoheshim kaq shpejt, por, “Furia e Kuqe” spanjolle realizoi golin pas 13 minutave lojë përballë “Legjionarëve” tanë, duke na prerë goxha hovin, në këtë sfidë tejet të rëndësishme.
Një kundërsulm i spanjollëve u finalizua më së miri nga Ferran Torres, i cili me një goditje diagonale brenda zonës mposhti portierin Strakosha.
Shqipëria dhe Spanja përfundojnë fushatën e tyre në Grupin B të “EURO 2024” në Arenën e Dyseldorfit me tri herë kampionët duke dominuar në takimet e mëparshme mes tyre, duke fituar të tetë ndeshjet e zhvilluara.
Spanja është tashmë e sigurt nëvendin e parë në grupin B dhe një vend në 1/8 e finales, pasi kanë fituar kundër Kroacisë 3-0 në Berlin dhe Italisë 1-0 në Gelsehnkirshen në dy ndeshjet e tyre të para.
Ekipi i drejtuar nga De la Fuente janë tre pikë përpara Italisë në krye të tabelës, ndërsa Shqipëria është me pikë të barabarta me Kroacinë me një pikë, pas humbjes së tyre 2-1 nga Italia në Dortmund në ndeshjen e parë – një ndeshje në të cilën Nedim Bajrami shënoi pas 23 sekondash, golin më të shpejtë në historinë e Europianit– dhe një barazim 2-2 kundër Kroacisë në Hamburg falë një goli të Klaus Gjasulës në minutën e 95.
Spanja ka siguruar kalimin në raundin e 1/8-tës si fitues i grupit.
Shqipëria do të kalojë në raundin tjetër si vend i dytë në grup nëse fiton kundër Spanjës dhe Kroacia fiton kundër Italisë, duke lënë Shqipërinë para Kroacisë në golavarazin e përgjithshëm, ose pastaj në pikët e disiplinës ose në renditjet e Kualifikueseve Evropiane. Shqipëria nuk do të arrijë të kalojë në raundin tjetër nëse humbet, ose nëse barazon dhe Kroacia fiton kundër Italisë.
Spanja ka fituar tetë ndeshjet e mëparshme, duke shënuar 31 gola me një mesatare më shumë se tre gola për ndeshje.
Ndeshja më e fundit ishte miqësorja e tyre e parë, me fitoren e Spanjës 2-1 në Cornellà de Llobregat më 26 mars 2022. Spanja e Luis Enrikes u detyrua të punonte për fitoren e tyre, megjithatë goli i tyre i parë nga Ferran Torres erdhi vetëm në minutën e 75; Myrto Uzuni barazoi dhjetë minuta më pas për një Shqipëri të drejtuar nga Edi Reja, por zëvendësi i Spanjës, Dani Olmo ruajti rekordin perfekt të ekipeve me një fitore në minutën e 90-të.
Goli i Uzunit ishte vetëm goli i tretë i Shqipërisë kundër Spanjës.
Dy skuadrat u ndeshën në kualifikueset për Kupën e Botës 2018, Spanja fitoi 2-0 në udhëtim dhe 3-0 në shtëpi. Diego Kosta dhe Nolito shënuan në Shkodër me Rodrigo, Isko dhe Tiago Alkántara gjithashtu shënuan brenda gjysmë ore në Alikante.
Shqipëria dhe Spanja u takuan për herë të parë në fushatat e eliminatoreve për Kampionatin Evropian 1988, Spanja fitoi 2-1 në takimin e tyre të parë në Tiranë më 3 dhjetor 1986 dhe pastaj me një fitore 5-0 në Sevija, Hoze Mario Bakero shënoi një tripletë.
Bakero gjithashtu shënoi në ndeshjen e ardhshme ndërmjet tyre, një fitore 9-0 në shtëpi në eliminatoret e EURO ’92 më 19 dhjetor 1990 në të cilën Emilio Butragenjo shënoi katër herë.
Kjo është vetëm pjesëmarrja e dytë e Shqipërisë në Europian të dyja në tre turnet e fundit.
Ata bënë debutimin në “EURO 2016”, duke humbur 1-0 ndaj Zvicrës dhe 2-0 kundër vendasve të Francës para një fitoreje 1-0 kundër Rumanisë në ndeshjen e tretë, ku Armando Sadiku shënoi golin në Lion. Ekipi i Xhani De Biazit përfundoi në vendin e tretë në Grupin A.
Shqipëria ishte e katërta në seksionin e tyre kualifikues në “EURO 2020”, duke e mbyllur me 13 pikë, pas Francës (25 pikë), Turqisë (23) dhe Islandës (19).
Me Silvinjon që zëvendësoi Edi Rejan si trajner më 1 janar 2023, Shqipëria filloi fushatën e tyre për kualifikueset e “EURO 2024” me një humbje 1-0 në Poloni, por më pas njohu vetëm rezultate pozitive (4 fitore dhe 3 barazime) për të mbyllur në vendin e parë në Grupin E me 15 pikë. Ata siguruan kualifikimin në Kampionatin Europian me një barazim 1-1 në Moldavi në ndeshjen e tyre të parafundit.
Ajo humbje ndaj Polonisë në ndeshjen e tyre të parë të vitit 2023 ishte humbja e tyre e vetme vitin e kaluar; rekordi i tyre në të kundërt ishte 5 fitore dhe 3 barazime.
Kjo është ndeshja e parë e Shqipërisë në Arenën e Dyseldorfit dhe në qytet në përgjithësi.
Lini një Përgjigje