FLASH
Shkruar nga Pamfleti
Maks Vershtapen me Red Bull fitoi sot pasdite garën e Çmimit të Madh të Spanjës në Formula 1, suksesi i 7-të sezonal, i treti në këtë pistë (61 në karrierë). Kampioni i Botës e nisi garën nga vendi i dytë, por shpejt mori kryesimin, duke e ruajtur atë deri në fund
Në vendin e dytë u rendit britaniku Landon Norris me MekLaren. Edhe pse e nisi garën nga “pole position”, ai e humbi kryesimin që në kthesën e parë. Gjithsesi, Norris arriti të ngjitet në vendin e dytë, me MekLaren që ishte më i shpejtë se Mercedes.
Në podium u ngjit edhe Luis Hemilton me Mercedes, i treti që la pas shokun e tij të skuadrës Xhorxh Rasëll (i katërti). Një garë anonime kjo për Ferrarin, në vendet 5-6 me dy pilotët e saj, Sharls Lëklerk e Karlos Sainz, që nuk arriti dot të rivalizonte.
Një triumf i merituar i makinës Red Bull, që duket se kaloi momentet e krizës. Në fund të garës, në zonën e pikëve u renditën edhe Oskar Piastri me Meklaren (i shtati), Serxhio Perez me Red Bull (i teti), Pier Gasli me Alpine (i nënti) dhe Esteban Okon me Alpine (i dhjeti).
Lini një Përgjigje