FLASH
Shkruar nga Pamfleti
Françesko Pratali, ish-futbollist i Empolit, i cili ka ndihmuar Kristjan Asllanin që në moshë të vogël në të gjithë hapat e karrierës së tij duke u kthyer në këshilltar për mesfushorin shqiptar, është i bindur se ai tani mund të bëjë hovin cilësor.
Asllani po hyn në vitin e tij të tretë në radhët e Interit dhe për Pratalin, tani është momenti që të fitojë edhe një vend si titullar në radhët e zikaltërve, pasi i ka cilësitë për ta bërë një gjë të tillë.
“Që kur ishte i vogël, dalloheshin aftësitë e tij futbollistike, mbante topin nën çadra, pikërisht në sheshin Garibaldi, atë shesh i cili të premten e duartrokiti dhe e thirri në kor.
Ai mund të jetë lehtësisht titullar tek Interi. Po bën rrugëtimin që duhet të bëjë, është rritur shumë dhe ka mentalitetin e duhur për të bërë një karrierë të madhe dhe të luajë para 80 mijë spektatorëve”, tha Pratali për mediat italiane rreth mesfushorit të Kombëtares kuqezi.
Lini një Përgjigje