
Tre fitore në pesë ndeshjet e fundit. Roma ka bërë detyrën në shtëpi ndaj Udinezes, duke i mundur me shifrat 3-1. Minutat e para ishin mjaft të luftuara, nga të dyja palët. Ndeshja u zhbllokua pas një skeme në një goditje dënimi, ku Dibala dërgoi një top perfekt për Mançinin, i cili u tregua i saktë me kokë.
Mysafirët nga Udine u përpoqën që të reagonin dhe u shpërblyen me gol në fillimin e pjesës së dytë. Francezi Tauvin finalizoi me sukses një aksion bardhezi, duke rikthyer balancat në takim. Për t’i rikthyer buzëqeshjen skuadrës së Murinjos mendoi Dibala, 10 minuta para fundit të takimit. Suksesi u vulos nga El Sharaui në minutat e fundit.
Lini një Përgjigje