FLASH
Shkruar nga Pamfleti
Në “Arenën e Demava” është luajtur miqësorja mes Partizanit vendas dhe Bylisit. Ndeshja ka përfunduar me “rrjeta të paprekura”, 0-0. Për trajnerin Mladen Milinkovic, ky “test” përkoi me debutimin te “Demat e Kuq”.
Një ndeshje ku Partizani e dominoi rivalin, por i mungoi cinizmi para porte. Kartoni i kuq në minutën e 40, me të ndëshkuar Ismailin, ndikoi në rrjedhën e lojës, duke i lënë vendasit me 1 lojtar më pak për pjesën tjetër të takimit.
Ende Partizani lundron në “ujëra të trubullta”, krahas rendimentit të treguar në miqësore. Të njëjtën “fytyrë” ka treguar edhe Bylisi nën urdhërat e trajnerit Mirel Josa, jo bindës.
Më të zhgënjyer nga ky test miqësor duket se kanë mbetur tifozët e kuq, të cilët presin më shumë nga skuadra e tyre.
Kjo gjë u pasqyrua dhe në komentet e shumta të tifozëve të Partizanit, në faqen zyrtare të klubit ku është raportuar edhe rezultati i kësaj miqësoreje.
Lini një Përgjigje