FLASH

TAGS-AT E JAVËS

Sport18 Prill 2023, 16:35

Tifozët përleshen me policinë, 89 të plagosur në stadium, bilanc lufte në “El Clasico” në Kolumbi (Video)

Shkruar nga Pamfleti

Tifozët përleshen me policinë, 89 të plagosur në

Incidente shumë të rënda u regjistruan në Kolumbi mes tifozëve dhe policisë para derbit Atletiko Nacional-Amerika De Kali.

Ndeshja përfundimisht u shty për shkak të situatës së jashtëzakonshme, teksa pati 89 të plagosur.

Incidentet e shumta që ndodhën si brenda dhe jashtë stadiumit e bënë të pamundur zhvillimin e derbit. Presidenti i Atletikos, Mauricio Navarro tha se situata ishte më shumë se e tensionuar, aq sa ultrasit e ekipit të tij kishin kërkuar pagesë që të shmangnin konfliktet me tifozët miq.

"Kërkoj falje për atë që ndodhi. Problemi nuk është te fansat tanë në përgjithësi, por vetëm tek ultrasit 'Los del Sur'. Ne nuk mund të duronim më shantazhin e tyre. Ata kishin arritur deri në pikën që kërkonin para për t'u kujdesur për tifozët e skuadrave vizitore dhe e konsideronin si një të drejtë të fituar”, tha presidenti i Atletiko-s, Mauricio Navarro pas shtyrjes përfundimtare të ndeshjes.

Kryetari i bashkisë së Medellinit, Daniel Kuintero, njoftoi se stadiumi i qytetit nuk do të jetë në dispozicion të Atletikos. "Stadiumi nuk do jetë në dispozicion të Atletikos derisa problemi i dhunës të zgjidhet. Nuk mund të kem 800 policë për një ndeshje futbolli. Derisa të gjejnë zgjidhje me njëri-tjetrin, le të gjejnë një fushë për të luajtur”, tha Kuintero.

Për më tepër shikoni pamjet aspak normale të përplasjes së ashpër mes tifozëve dhe policisë. Skena që ngjajnë me një arenë lufte:

atletiko nacional deportivo kali derbi kolumbian

Lini një Përgjigje

Sport

Na ndiqni edhe në
KONTAKT TE DHENAT PERSONALE COOKIES