FLASH
Shkruar nga Pamfleti
Toni Kros ka ironizuar UEFA-n, që përmes Komisionit të Arbitrave pranoi se rasti i Kukurejas duhej akorduar penallti për Gjermaninë kundër Spanjës në “EURO 2024”.
“Duheshin 3 muaj për të kuptuar se ishte dorë, të cilën gjithë të tjerët e kuptuan në sekonda. Kjo më qetëson dhe më bën të ndihem mirë. Tani që ato zyrtarisht e kanë konfirmuar, mund të quhem kampion i Europës?”
Kjo ishte çfarë shprehu ish-mesfushori gjerman, që atë ndeshje e pati të fundit me kombëtaren e tij. Kujtojmë se Spanja fitoi 2 me 1 në çerekfinale përballë Gjermanisë, teksa rasti i Kukurejas mund të ndryshonte fatin e lojës, pasi erdhi kur rezultati qëndronte 1-1.
Gjyqtari Entoni Tejlor dhe zyrtari i VAR-it, Stjuart Atuell, vendosën që nuk ishte penallti dhe skuadra spanjolle shënoi më pas golin e fitores me Mikel Morenon.
Lini një Përgjigje