FLASH
Shkruar nga Pamfleti
Mirlind Daku është kryefjalë në kombëtaren shqiptare. Goli i dytë i realizuar kundër Polonisë, padyshim i ka dhënë vlerë të madhe. Për këtë sukses ka folur babai i Dakut, i cili ka treguar se kanë pritur shumë ftesën e Kosovës, por ajo nuk erdhi asnjëherë.
Në këtë mënyrë u detyruan të zgjidhnin Shqipërinë që i hapi derën dhe pikërisht në një sfidë të rëndësishme si ndaj polakëve. Për “Kanal 10”, babai i Dakut ka thënë:
“Unë kam insistuar gjithmonë që djali im të luajë për Kosovën sepse në Kosovë është rritur dhe në Kosovë është ngritur.
Mirëpo nuk e di arsyen pse Kosova nuk e ka ftuar. Ne e zgjodhëm kombëtaren e Shqipërisë sepse nga Kosova pritëm mjaft, pritëm shumë”.
Shqipëria fitoi 2-0 me Poloninë në “Air Albania”, me golin e dytë që u shënua nga Mirlindi.
Veç sfidës me Poloninë, Daku debutoi te kuqezinjtë në barazimin 1-1 në Pragë kundër Çekisë, ndërsa në fund nuk i mbajti dot lotët për një mundësi të shpërdoruar.
Lini një Përgjigje