FLASH
Shkruar nga Pamfleti
Mbrojtësi i Arsenalit, Myles Lewis-Skelly, beson se “Topçinjtë” janë gati për sfidën e përballjes me Paris Saint-Germain në gjysmëfinalet e Ligës së Kampionëve, falë trajnerit të tyre “gjenial”, Mikel Arteta.
“Topçinjtë” po përgatiten për një natë të veçantë në stadiumin “Emirates”, ndërsa mbrëmjen e sotme luhet ndeshja e parë gjysmëfinale e Ligës së Kampionëve kundër kampionëve francezë.
Arsenali luajti për herë të fundit në një gjysmëfinale të Ligës së Kampionëve në vitin 2009 dhe paraqitja e tyre e vetme në garën më të madhe evropiane për klube erdhi tre vjet më parë kur pësuan një humbje 2-1 ndaj Barcelonës.
Lewis-Skelly, i cili ka kaluar një sezon të shkëlqyer në veri të Londrës, këmbëngul se skuadra e tij është gati për ndeshjen që e pret kundër PSG-së dhe thotë se nuk do të ketë "justifikime" para ndeshjes.
"Si ekip, ne jemi të përgatitur dhe jemi gati.
Jemi në formë të mirë aktualisht dhe jemi të emocionuar që do të luajmë kundër PSG-së sepse edhe ata janë në formë të mirë.
Do të jetë një sfidë e mirë për ne, sepse ata janë në formë të mirë dhe kanë një ekip të plotë.
Nuk ka justifikime për të hyrë në ndeshje. Ne jemi gati”, tha Lewis-Skelly për Sky Sports.
Vetëbesimi i Lewis-Skelly ka shumë të bëjë me trajnerin e “Topçinjve”, Arteta.
18-vjeçari vlerësoi përpikërinë e Artetës dhe këmbëngul se ka shumë për të mësuar nga trajneri i tij.
"Vëmendja e tij ndaj detajeve është e pabesueshme.
Më pëlqen të mësoj, kështu që do të mësoj prej tij dhe mënyrës se si ai i trajton dhe i qaset ndeshjeve, pasi është interesante. Ka kaq shumë gjëra që mund të mësoj prej tij.
Ai është vërtet një gjeni”, tha ai.
Një pjesë e këtij procesi mësimor për Lewis-Skelly ka qenë përshtatja me një rol të ri. Rritja e tij e jashtëzakonshme këtë sezon ka ardhur në pozicionin e mbrojtësit të majtë, pavarësisht se ai ka kaluar nëpër akademinë e “Topçinjve” si mesfushor, dhe është një udhëtim që ai e ka shijuar.
"Ka qenë një proces i qetë sepse më pëlqen të mësoj dhe më pëlqen të përmirësohem. Nga kjo përpjekje për të mësuar çdo ditë dhe për t'u rritur, më pëlqen të bëj pyetje. Nëse nuk e di ende përgjigjen, do të sigurohem që ta bëj pyetjen.
Ishte një proces i qetë për mua sepse padyshim që jam mesfushor me profesion, por pozicioni nuk ishte i panatyrshëm për mua. E kam shijuar", shprehet ai.
Lini një Përgjigje