FLASH
Shkruar nga Pamfleti
Myrto Uzuni protagonist në barazimin 1-1 të Granadës ndaj Almerias. Sulmuesi shqiptar ka gjetur golin me Granadën, në ndeshjen e javës së 25 në La Ligas ndaj Almerias. Pubill realizoi për mysafirët në minutën e nëntë, ndërsa në minutën e 75, ishte sulmuesi kuqezi që barazoi shifrat për ekipin e trajnerit Medina.
Natyrisht, nuk mund të mungonte një festë me shqiponjë, me tifozët në shkallët e “Estadio Nuevo Los Cármenes Stadium” që nuk hezitonin të duartrokisnin. 28-vjeçari kuqezi shënon kështu golin e shtatë në La Liga, në 25 ndeshje. Deri më tani, Uzuni ka dhuruar edhe një asist.
Më këtë finalizim, beratasi ka arritur në kuotën e 7 golave njësoj si yjet e Realit dhe Barcelonës, Vinisius dhe Ferran Torres.
Granada endet në pozitat e fundit të tabelës dhe kontributi i futbollistit do të jetë mjaft i nevojshëm në misionin për mbijetesën. Aktualisht skuadra ka grumbulluar vetëm 14 pikë, duke rrezikuar seriozisht rënien nga kategoria.
Lini një Përgjigje