FLASH
Shkruar nga Pamfleti
Ndeshjet e fundit për eliminatoret e Botërorit 2026 për zonën e Amerikës së Jugut janë shoqëruar me akte dhune në tribunat e stadiumeve. Duke ditur antagonizmin dhe rivalitetin mes dy shteteve, deri diku pritej përplasja mes tifozërive në ndeshjen Brazil-Argjentinë. Por e çuditshme ishte ajo që ndodhi në përfundim të ndeshjes Peru-Venezuelë.
Takimi i zhvilluar në kryeqytetin peruan të Limas u mbyll në barazim 1-1, ku për Perunë shënoi Jotu, ndërsa për Venezuelën realizoi Savarino. Ajo që nddohi pas ndeshjes e la në hije produktin e fushës mes dy ekipeve, pasi policia peruane sulmoi në mënyrë të befasishme lojtarët e Venezuelës që kishin shkuar të përshëndeteshin te tribuna e tifozëve të tyre.
Pas vërshëllimës përfundimtare, futbollistët e Venezuelës shkuan te tifozët e tyre për t’i duartrokitur dhe falënderuar, si dhe për t’u dhuruar fanelat. Por në mënyrë të befasishme, ku nuk kishte asnjë incident, policia peruane formoi një kordon për të parandaluar lojtarët të festonin afër me tifozët venezuelianë. Menjëherë situata u nxeh dhe pas shkëmbimit të fjalëve, policia u hodh në sulm duke goditur lojtarët e Venezuelës me shkopinj gome.
Lo de Peru hoy con Venezuela ha sido una vergüenza.
— Andres Agulla (@aagulla_TV) November 22, 2023
Primero con la policía controlando la situación migratoria de los hinchas.
Y al final la policía empujando a los jugadores de la Vinotinto.
Una vergüenza
pic.twitter.com/gjrylRP354
Lini një Përgjigje