FLASH
Shkruar nga Pamfleti
UEFA i beson sërish gjyqtarëve shqiptarë një ndeshje të rëndësishme në arenën ndërkombëtare. Një treshe arbitrash do të vendosë drejtësi në sfidën mes Estonisë dhe Suedisë, e vlefshme për Ligën C (Grupi 1) të Ligës së Kombeve.
Juxhin Xhaja do të jetë gjyqtari kryesor i ndeshjes Estoni-Suedi, që do të luhet më 14 tetor në orën 20:45 në Talin. Arbër Pema dhe Rejdi Avdo do të jenë asistentët e arbitrit kryesor, ndërsa Albert Doda do të jetë gjyqtar i katërt.
Një tjetër vlerësim për arbitrat shqiptarë, që këtë sezon kanë drejtuar disa ndeshje në Kupat e Europës.
Kujtojmë se kjo sfidë do të luhet në stadiumin “A. Le Coq Arena” në Talin, ditën e hënë më 14 tetor në orën 20:45.
Lini një Përgjigje