FLASH
Shkruar nga Pamfleti
La Liga ka zyrtarizuar kufijtë e rinj të pagave për ekipet e Kategorisë së Parë dhe të Dytë. La liga ka përcaktuar shumat maksimale që klubet mund të shpenzojnë për të nënshkruar dhe paguar listën e pagave të lojtarëve të tyre. Real Madridi mbetet skuadra me muskujt më mëdhenj ekonomikë në këtë drejtim, me një tavan prej 754.89 milionë euro. Barcelona, e cila vitin e kaluar pësoi një shkurtim nga shoqata e punëdhënësve prej gati 380 milion €, tani mund të shpenzojë 426 milion euro për rrogat. Atletico, nga ana e saj, pëson një rritje në këtë kuptim, duke arritur në 310 milionë euro.
Kategoria e Parë e La Liga ka kapacitet shpenzues për paga sportive prej 2.6 miliardë euro, më shumë se sezonin e kaluar. Skuadra që vazhdon të tërheqë gjithë vëmendjen në këtë parametër është Barcelona. Kjo do të thotë se shpenzon më shumë se kufiri që ka vendosur LaLiga (426 milion €) dhe me të cilin është i kufizuar regjistrimi i lojtarëve.
Ajo është e detyruar të shesësh ose të sjellë të ardhura shtesë për të qenë në gjendje të nënshkruajë lojtarë të rinj. Një realitet që përplaset me atë të Real Madridit, i cili është sërish skuadra me kufirin më të lartë të pagave: ka 754 milionë euro krahasuar me 727 milionë euro. Atlético, agjitatorja e madhe e verës me përforcime të mëdha (Julián Alvarez, Sorloth, Le Normand, Gallagher...), është një nga skuadrat që është rritur më shumë në kapitalin e saj: 310 milion €.
Një situatë më komplekse është ajo e Sevillas. Ajo pësoi një goditje të madhe për kufirin e pagave. Ndërsa sezonin e kaluar ata kishin 152 milionë euro, tani kanë vetëm 2.5 milionë euro. Kjo do të thotë, se ata shpenzojnë shumë më tepër për paga sesa mund të përballojnë. Çka tregon se është në një situatë shumë delikate ekonomike. Një situatë shumë e ngjashme ka edhe Espanyol, me vetëm 8.8 milionë euro. Një nga arsyet e krizës në Sevilje është eliminimi i hershëm nga Champions League sezonin e kaluar dhe fakti që nuk do të garojë në asnjë kompeticion këtë sezon.
“Të mos luash vetëm Ligën e Kampionëve është 70 milionë euro më pak”, tha Javier Tebas gjatë prezantimit. Sa i përket Espanyolit, LaLiga theksoi: “Në Kategorinë e Dytë ata nuk mund të balanconin të ardhurat e tyre dhe tani mbajnë të gjithë barrën dhe i zbritet kufiri i pagave”.
Ndërmjet Kategorisë së Parë dhe të Dytë janë nëntë klube ë kanë tejkaluar limitin. Ndër të cilët veçohen emrat e lartpërmendur: Barcelona, Sevilla dhe Espanyol.
Si llogaritet kufiri i pagave?
Kufiri i kostos së skuadrës sportive është koncepti që përfshin shumën maksimale që çdo skuadër spanjolle mund të shpenzojë për pagat për lojtarët, trajnerin, ndihmësin e trajnerit dhe trajnerin fizik, si dhe ekipin rezervë.
Llogaritja e tij bëhet nga diferenca e të ardhurave (nga të drejtat televizive, reklamat, biletat...) që çdo klub merr nga shpenzimet strukturore dhe shlyerjes së borxhit të pritur gjatë gjithë sezonit. Secili ekip është ai që harton kufirin e vet të pagave dhe mund të vendosë edhe një shumë nën tavanin e tij (siç kanë bërë disa klube me raste), por gjithmonë në përputhje me rregullat e Kontrollit Ekonomik të La Liga-s dhe që duhet të miratohet nga trupa vlerësuese. Nëse ka një kufi rroge që nuk garanton stabilitetin e klubit, ky organ do ta ulë atë në një shumë që e bën të mundur. Në rast se një ekip përfundon sezonin me tejkalim të kufirit të pagave, do të detyrohet të kursejë para për të korrigjuar këtë situatë.
Lini një Përgjigje