FLASH
Shkruar nga Pamfleti
Elseid Hysaj kishte bërë gati “valixhet” për t’u larguar nga Lacio, por e ardhmja e anësorit kuqezi mund të ndryshojë totalisht tani që në krye të ekipit kryeqytetas u rikthye sërish “komandanti” Mauricio Sarri. Nuk është një sekret që Hysaj është një nga pinjollët e Sarrit, me teknikun “axurr” që e ka marrë gjithnjë me vete në çdo aventurë të tij në Serinë A, përveç kohësh kur ishte pjesë e Juventusit.
Hysaj përjetoi një sezon shumë të vështirë, ku fillimisht e pa veten në tribunë, jashtë çdo liste, por më kalimin e kohës fitoi besimin e ish trajnerit Baroni duke e mbyllur vitin me 11 ndeshje dhe 3 asiste.
Hysaj ishte bërë gati të largohej pasi kisha disa oferta jashtë Italisë, por tani mbrojtësi shqiptar mbetet në pritje për të kuptuar qëllimet e Sarrit. Hysaj ka jo pak konkurrencë te Lacio, ka përpara një lojtar si Nuno Taveres, i cili edhe pse kaloi një sezon me ulje-ngritje, i kushtëzuar nga dëmtimet e shpeshta, ka shumë admirues. Nëse Taveres largohet, atëherë Hysaj pritet të qendrojë në kryeqytet për t’i qëndruar në krah mentorit të tij, Mauricio Sarri.
Lini një Përgjigje