FLASH
Shkruar nga Pamfleti
Manchester United dhe Tottenham barazuan me rezultatin 2-2 në ndeshjen e vlefshme për raundin e 21-të në Premier League. Në një ndeshje të mbushur me emocione, dueli i tejkaloi pritshmëritë për atë që u prodhua në 90 minuta.
Fillimisht ishin "Djajtë" e United që kaluan në epërsi me Hojlund pas vetëm tre minutave lojë. Richarlison barazoi në të 19', para se Rashford në të 40 minutë t'i dërgonte skuadrat me rezultatin 2-1 në zhveshtore.
Menjëherë fillimi i fraksionit të dytë solli golin e barazimit për Spurs, me Bentancur që shënoi për 2-2. Edhe pse dy trajnerët kryen nga tre zëvendësime, rezultati në fund nuk ndryshoi. Për Spurs debutoi afrimi i janarit, Dragusin.
Pas javës së 21-të, Tottenham me 40 pikë mban vendin e pestë, tetë më shumë se United që pozicionohet i shtati. Në ndeshjen tjetër të së dielës, Everton dhe Aston Villa barazuan 0-0.
Lini një Përgjigje