FLASH
Shkruar nga Pamfleti
Flamurtari dhe Lushnja kanë luajtur sot sfidën e vlefshme për javën e 10 të Kategorisë së Parë. Ndeshja e zhvilluar në Vlorë përfundoi me fitoren e vuajtur të vendasve me rezultatin 2-1.
Golin e parë të ndeshjes e shënoi Lorenc Trashi me një predhë nga distanca. Teksa për të rikthyer baraspeshën te Lushnja mendoi Camko.
Megjithatë, në sekondat e fundit të sfidës, Atanda shënoi një gol tejet të rëndësishëm duke i dhënë të tijve 3 pikë të arta.
Kjo ishte fitorja e 9 radhazi e Flamurtarit të cilët rikthehen në krye të tabelës së renditjes në kuotën e 27 pikëve. Në krahun tjetër, Lushnja mbetet në vendin e 7 me 12 pikë.
Vlen të përmendet se Lushnja luajti me 10 lojtarë gjatë 4 minutave të fundit. Futbollisti Marjus Korreshi u ndëshkua me karton të kuq.
Lini një Përgjigje