
Maqedonia e Veriut i ka bërë një start të mirë kualifikueseve të Botërorit 2026, teksa ka fituar ndeshjen e parë në Grupin J, që e vendoste përballë Lihtenshtejnit në transfertë.
Skuadra e drejtuar nga Blagoja Milevski ka fituar lehtësisht me shifrat 3-0, duke marrë tre pikë të rëndësishme në një grup ku bëjnë pjesë edhe Belgjika, Uellsi dhe Kazakistani.
Trajkovski i dha avantazhin që në minutën e 7 Maqedonisë së Veriut, ndërsa më pas ishte Visar Musliu ai i cili dyfishoi shifrat para fundit të pjesës së parë. Goli i Miovskit në fund të ndeshjes vulosi fitoren 3-0 për maqedonasit.
Ndërkohë Uellsi do të përballet sonte kundër Kazakistanit po për grupin “J”. Sakaq Belgjika nuk do të hyjë në skenë deri në qershor, pasi aktualisht është e përfshirë në Ligën e Kombeve.
Lini një Përgjigje