FLASH
Shkruar nga Pamfleti
FIFA ka publikuar renditjen e përditësuar të skuadrave kombëtare, dhe për Shqipërinë asnjë surprizë, thjesht një tjetër rrëshqitje poshtë në listë.
Kuqezinjtë zbresin në vendin e 68-të në botë, duke humbur dy pozicione nga hera e fundit. Dhe kjo vjen si rezultat pasi kuqezinjtë, dolën dy ndeshje barazim me Serbinë dhe Letoninë në grupin kualifikues të Kupës së Botës.
Sylvinho, dy vjet pasi mori drejtimin e Kombëtares me shumë zhurmë e premtime për “stil brazilian”, e ka sjellë ekipin fiks aty ku e gjeti: në vendin e 68-të, një rreth vicioz mes trajnerësh që ndërron vetëm emrat, jo renditjen.
Ndërkohë, Kosova ka shënuar një përmirësim të lehtë, duke u ngjitur dy vende dhe ndodhet tashmë në vendin e 95-të – pak për të festuar, por mjaftueshëm për të thënë se nuk po ecin mbrapa.
Në krye të botës qëndron si zakonisht Argjentina, e ndjekur nga Spanja, Franca, Anglia, Brazili, Portugalia, Holanda, Belgjika, Gjermania dhe Kroacia. Italia është jashtë Top 10, në vendin e 11-të.
Lini një Përgjigje