FLASH
Shkruar nga Pamfleti
Interesi për klasiken e parë të sezonit mes Realit dhe Barcelonës ka arritur majat. Të gjitha biletat kanë avulluar, teksa mediat spanjolle raportojnë se tashmë ato kanë nisur të rishiten me çmime të kripura.
Sipas një njoftimi të Realit të Madridit, çmimi zyrtar i biletave varionte nga 150 deri në 450 euro më e shtrenjta. Por ky ka qenë çmimi zyrtar, sepse në treg kanë nisur të rishiten për së dyti këto bileta nga spekulantët dhe çmimi ka arritur disa fish më i lartë.
Kështu, “Mundo Deportivo” dhe “AS” kanë bërë me dije se për të ndjekur takimin nga tribunat e “Bernabeut” çmimi në tregun e zi ka arritur deri në 2200 euro.
Ndërkohë trajneri i Real Madridit, Carlo Ancelotti dhe ai i Barcelonës, Hansi Flick kanë publikuar listat e futbollistëve të ftuar për ndeshjen e sotme.
Te Real Madridi do të mungojnë emra si Thibaut Courtois, Rodrygo Goes, David Alaba dhe Dani Carvajal, ndërsa te Barcelona mungojnë Ronald Araujo, Marc Bernal, Andreas Christensen, Eric Garcia, Marc-Andre ter Stegen dhe Ferran Torres.
Megjithatë, nuk mungojnë yje të mëdha si Vinicius Junior, Kylian Mbappe dhe Jude Bellingham te Los Blancos, si dhe Robert Lewandowski, Lamine Yamal dhe Pedri te Blaugranët.
Lista e lojtarëve të ftuar të Real Madridit
Portierët: Lunin, Fran Gonzalez dhe Sergio Mestre
Mbrojtësit: Militao, Lucas Vazquez, Vallejo, Fran Garcia, Rudiger dhe Mendy
Mesfushorët: Bellingham, Camavinga, Valverde, Modric, Tchouameni, Arda Güler dhe Ceballos
Sulmues: Vinicius Jr., Mbappe, Endrick dhe Brahim
Lista e lojtarëve të ftuar të Barcelonës
Portierët: Inaki Pena, Szczesny, Kochen
Mbrojtësit: Cubarsi, Balde, I.Martinez, Kounde, Fort, Gerard Martin, dhe S. Dominguez
Mesfushorët: Gavi, Pedri, Pablo Torre, Fermin Lopez, M.Casado, Dani Olmo, De Jong
Sulmuesit: Lewandowski, Ansu Fati, Raphinha, Pau Victor, Lamine Yamal
Lini një Përgjigje