FLASH
Shkruar nga Pamfleti
E ardhmja e Joshua Kimmich te Bayern Munchen është në pikëpyetje. Klubi i kishte propozuar Kimmich një kontratë të re deri në 2028-ën me vlerë 20-22 milionë euro në vit, pa përfshirë këtu bonuset e ndryshme, por në orët e fundit gjigandi bavarez ka tërhequr propozimin e parë, duke kërkuar rihapjen e negociatave.
Joshua Kimmich dhe Max Eberl kishin një marrëveshje verbale mes tyre ku përcaktoheshin kushtet, ndërsa lojtarit të kombëtares i ishte kërkuar nga bordi mbikëqyrës i Bayernit që të merrte një vendim fundjavën e kaluar.
Ai e humbi këtë afat për shkak se u lëndua të dielën kundër Frankfurtit. Bordi mbikëqyrës më pas e tërhoqi ofertën të hënën dhe e informoi Kimmich se nëse donte të zgjaste kontratën e tij, do të duhej të negocioheshin kushte të reja.
Pavarësisht ofertës së tërhequr, synimi i të gjithë drejtuesve të Bayernit është ende vazhdimi i kontratës me Kimmich. Një vendim përfundimtar mund të merret brenda 48 orëve, para ndeshjes kundër Leverkusen.
Lini një Përgjigje