FLASH
Shkruar nga Pamfleti
Pas afro nëntë vitesh, Besnik Hasi është rikthyer si trajner i Anderlehtit në Belgjikë. Ish-mbrojtësi i Kombëtares bëhet me skuadër të re vetëm 17 ditë pasi u largua nga Meshelen.
Largimi nga Mesheleni nuk ka qenë kaq i hidhur, pasi Hasi është rikthyer në klubin ku bëri emër dhe do drejtojë ekipin deri në fundin e sezonit, kjo me të drejtë rinovimi.
Pas një karriere të suksesshme si futbollist në këtë klub, ai shërbeu si ndihmës trajner për 4 sezone, më pas për 3 sezone si trajner kryesor. Gjatë asaj kohe, shqiptari fitoi titullin e kampionit në vitin 2014 dhe ngriti Superkupën Belge.
Për Hasin ky është rikthim te Anderelhti, pasi e ka udhëhequr këtë skuadër për dy vite nga 2014 deri më 2016 në 119 ndeshje. Hasi fitoi titullin më 2014 dhe ngriti Superkupën si trajner i Anderlehtit.
“E njoh këtë klub dhe pritshmëritë që vijnë me të. Është kënaqësi të drejtoj edhe një herë ekipin e parë të Anderlehtit”, tha gjakovari.
Si trajner Besnik Hasi ka drejtuar edhe Legian e Varshavës, Olimpiakosin, Al Raedin, Al Ahlin dhe Meshelenin.
Anderlehti vendosi të ndahet me trajnerin David Hubert para se t’i besonte Hasit. Anderlehti mban vendin e katërt në renditje për zonën e titullit kampion, tetë pikë pas Genk-ut kryesues.
Lini një Përgjigje