FLASH
Shkruar nga Pamfleti
Atalanta mori një triumf të rëndësishëm në kampionat, teksa mundi Udinezen me rezultatin e pastër 2-0. Të besuarit e Gasperinit vendosën ndeshjen në shinat e duhura që në pjesën e parë, duke realizuar dy gola. Fillimisht, një asist perfekt i De Ketelare në minutën e 30, u shfrytëzua në maksimum nga Mirançuk, i cili nga fare pranë portës, nuk e pati të vështirë të mposhtte portierin. Xhanluka Skamaça dyfishoi shiifrat pak minuta më vonë.
Belgu është një nga tre lojtarët e Serisë A në këtë sezon me të paktën 7 gola dhe 7 asiste, bashkë me Markus Turam dhe Olivier Zhiru.
Në pjesën e dytë, për vendasit mjaftoi menaxhimi i rezultatit, për të marrë në shtëpi 3 pikë të arta. Titullar në këtë sfidë ishte edhe Berat Gjimshiti, me mbrojtësin shqiptar bëri një paraqitje të mirë.
Për Atalantën ky është suksesi i dytë radhazi. Me këtë rezultat, Gjimshiti me shokë ngjiten në kuotën e 36 pikëve në vendin e katërt. Në krahun tjetër, Udineze vazhdon të konfirmojë sezonin negativ, pasi renditet në vendin e 16 me 18 pikë.
Lini një Përgjigje