FLASH
Shkruar nga Pamfleti
Me debate të ashpra u shoqërua pozicioni i Kristit si President i qeverisë së “Big Brother”, ndonëse u votua me shumicë votash për një post të tillë.
Teksa banorët ishin në oborr, Bledi debatoi me Kristin duke i thënë atij se populli i besoi votën dhe se ai duhet të zbatojë ligjet.
Kristi u shpreh se vendimi për të arrestuar Dean për shkeljen e saj, u mor nga aleancat, ndërsa edhe njëherë përsëriti që qeveria është e korruptuar.
Jori, nën cilësinë e Avokates së Popullit, kërkoi që Kristi të goditej me vezë, duke qenë se një gjë të tillë e miratoi kabineti qeveritar mbrëmjen e kaluar.
Luizi i tha Efit që t’ia hidhte ajo vezët, por ia tha me zë të ulët kur nuk e dëgjoi askush përveç Kiarës.
Ajo mori vezët dhe sapo Kristi u kthye, i theu atij dy vezë në kokë.
Veprimi i Efit e revoltoi shumë Kristin. Ky i fundit u shpreh se e vetmja gjë që banorët dinë të bëjnë, është të bullizojnë, të ofendojë e intimidojnë.
Jori i tha atij se shkeli ligjin, ndaj i meritonte vezët, por Kristi edhe njëherë e cilësoi si bullizim.
Kristi u shpreh se do ishte më e ndershme nëse Efi do i thoshte paraprakisht se çfarë plani kishte në kokë. I revoltuar nga situata, Kristi u shpreh se veprimi i Efit, tregoi se njerëzit janë të paaftë të debatojnë dhe të marrin vetëkontrollin në duar.
Sipas Jorit, veprimi i saj nuk ka lidhje me mungesën e debatit, por me mosrespektimin e ligjit. Kristi tha se partia e servilave di vetëm të ofendojë, të bullizojë dhe se ata janë krejtësisht të paaftë.
Kristi u acarua shumë me veprimin e Efit dhe i tha asaj se është njeri pa karakter dhe dinjitet, që erdhi i hodhi vezët në kokë, aq më tepër në një kohë kur ai nuk e priste një gjë të tillë.
Kjo e fundit zgjodhi ta injoronte dhe i tha mos të bëjë zhurmë, sepse ka dalë të shijojë diellin.
Luizi nga ana tjetër e mbrojti Efin dhe u shpreh se veprimi i saj ishte për t’i treguar Kristit që në shtëpi ka ligje dhe shtet. Kristi tha se në shtëpi ka vetëm njerëz bullizues dhe se e vetmja gjë që ata dinë të bëjnë është të shajnë e të ofendojnë. Ai madje u shpreh se Luizi është i korruptuar dhe se bën aleanca gjithë kohën me grupin e tij.
Lini një Përgjigje