FLASH
Shkruar nga Pamfleti
Këngëtari i njohur shqiptar Naser Berisha, ka rrëfyer luftën me sëmundjen e rrallë, alopecinë. I ftuar në “S’e luan topi”, Naser Berisha tregoi se lufta e tij me sëmundjen e rrallë ka qenë shumë e vështirë. Berisha thotë se në fillimet e sëmundjes, ai u transformua, jo vetëm në pamje. Madje shton se u mbyll në vetvete dhe nisi që të mos dilte më në publik, të mos këndonte apo të shkruante më tekste.
Erjona Rusi: Ju u përballet me një sëmundje fatmirësisht jo të rrezikshme dhe dashje padashje ju ka ndikuar, flasim për alopecinë, si pasojë e së cilës është edhe humbja e flokëve. Si ka qenë kjo betejë me alopecinë?
Naser Berisha: Ka qenë e dyfishtë për mua. Nga ana fizike ndryshova shumë, kjo më bëri që të tërhiqem dhe nga muzika. Në 2007 e pata këtë sëmundje e më pas u tërhoqa. Këtë sëmundje e kisha edhe një herë në moshën 17-vjeçare por atëherë zgjati vetëm 6 muaj dhe përsëri m’u kthyen flokët. Kur je i ri sistemi imunitar e përballon dhe e tejkalon.
Prita, mendova se do ktheheshin por nuk u kthyen, pushova aq shumë saqë nuk u ktheva më në muzikë sepse nuk e gjeja dot më veten. Në anën emocionale isha i thyer shpirtërisht, nuk kisha vullnet të shkruaja këngë e as të bëja muzikë, por edhe të paraqitesha para publikut me atë pamje fizike. Me kalimin e kohës e pranon fatin edhe sëmundjen. Fillon të shkruash përsëri dhe të këndosh nga pak përsëri. Pavarësisht fizikut që kishte ndryshuar, unë isha po i njëjti, zëri nuk kishte ndryshuar, i njëjti talent dhe njeri.
Lini një Përgjigje