FLASH
Shkruar nga Pamfleti
Egli Tako ishte e ftuar sot në “Jo Vetëm Modë” ku ka folur për lidhjen e saj tashmë të përfunduar me Olsi Bylykun. Ajo thotë se ka ndodhur shpesh që portalet kanë publikuar lajme të pavërteta, por vetëm në një rast ka reaguar.
-Shpesh herë e gjen veten nëpër portale të ndryshme, qoftë dhe pa shkak apo jo? Flet me gazetarët, nëse të duhet të mohosh diçka apo ta aprovosh diçka?
Egli Tako: I vetmi moment kur kam biseduar me një x portal, ishte kur nxorën një…se nuk dua më fare ta cek atë pjesë, nxorën diçka timen që nuk kishte lidhje fare me atë që ata kishin shkruar. Edhe sikur ajo romancë të ishte reale, nuk kishin të drejtë ta bënin. Paçka se s’ishte, ky ka qenë i vetmi moment që unë i kam shkruar këtij portalit, nuk mora asnjë përgjigje dhe që nga ai moment thjesht kam thënë ‘ok’.
Për historinë e saj me këngëtarin, ajo shprehet se çdo gjë ka mbaruar dhe nuk dëshiron ta prekë më si temë.
-Mendon që do të të përndjekë historia e Olsit për gjatë?
Egli Tako: Mendoj që jo, aq më tepër që nuk dua fare që ta cek personin në fjalë, ka vazhduar jetën e tij.
-Cila ka qenë hera e fundit që ty të ka prekur një lajm?
Egli Tako: Shumë e freskët, ka qenë një frazë, një fjalim i Meryl Streep. Pas gjithë eksperiencës së saj jetësore thoshte që kam zgjedhur veten time dhe të qëndroj me pak njerëz, po ato pak njerëz të më duan, më vlerësojnë. Thelbi ishte që nuk ka asgjë më të rëndësishme sesa vetja jote dhe nuk e kuptoj pse u interpretua kjo se ishte për një histori të shkuar timen.
Lini një Përgjigje