
Një shpërthim i fuqishëm është regjistruar para pak minutash në fshatin Varagë të Zubin Potokut, ku si pasojë është dëmtuar kanali i ujit të Ibër-Lepencit. Lajmin është konfirmuar nga zëvendësdrejtori i policisë për rajonin e veriut, Veton Elshani.
"Po, është dëgjuar një shpërthim në kanalin e ujit dhe ekipet policore janë duke punuar që sa më shpejtë ta ndriçojnë rastin", ka thënë Elshani për Kohën.
Në dy ditët e fundit, në veri pati disa incidente të tjera. Në Zveçan u gjuajtën bomba në stacionin policor dhe në oborrin e komunës. Për këtë, Policia të premten njoftoi se ka rritur masat e sigurisë në të gjithë vend.
Lini një Përgjigje