FLASH
Shkruar nga Pamfleti
Presidenti i Aleancës Kosova e Re (AKR), Bexhet Pacolli, ka publikuar fotografitë e tre personave që kanë mbetur të vdekur si pasojë e aksidentit në lumin Lepenc. Nga tragjedia në lumin Lepenc, ndërruan jetë Naim, Merita dhe Ermal Pacolli. I vetmi që mundi të shpëtojë ishte Shpëtim Pacolli.
“Viktimat e familjes Pacolli, të prehen në paqe në atdhe. Ngushëllimet e mia më të sinqerta familjarëve! Një tragjedi që na prek të gjithëve”, ka shkruar Pacolli në Facebook.
Biznesmeni i njohur publikoi edhe fotot e viktimave ndërsa shprehu ngushëllimet.
Si ndodhi ngjarja:
Gjithçka ndodhi në saj të një përplasje të dy makinave. Në momentin e aksidentit, sipas policisë maqedonase, ka pasur prurje të mëdha të lumit Lepenc për shkak të reshje të rrëmbyeshme të shiut, gjë që ka shkaktuar rënien në lumë të makinës. Në operacionin e nxjerrjes së makinës kanë marrë pjesë edhe ekipe të kërkim-shpëtimit nga Kosova. Në makinën me targa të Kosovës, ishin 4 persona, 3 prej të cilëve ndërruan jetë. I vetmi që shpëtoi ishte Shpëtim Pacolli.
Pacolli deklaroi se këtë tragjedi kanë vdekur Naim, Merita dhe Ermal Pacolli ndërsa shprehu ngushëllimet për ta.
Lini një Përgjigje