FLASH
Shkruar nga Pamfleti
Ambasadori amerikan në Serbi Christopher Hill parashikon se më 2 maj do të ketë një diskutim intensiv për Asociacionin e Komunave me Shumicë Serbe, duke shtuar se mendon që fundi i kësaj çështjeje është afër.
“Serbët e kanë pritur këtë për një kohë të gjatë, por ne kemi arritur në një pikë ku do të bëhet shumë reale”, tha Hill për mediat e huaja, duke shtuar se SHBA-ja beson se Asociacioni është çelësi për arritjen e normalizimit të marrëdhënieve.
I pyetur se me çfarë do të ishte i kënaqur Washingtoni në bisedime, Hill përmendi prapë Asociacionin dhe tha se ai e di që ai nuk do të bëhet një ditë pas takimit, por se beson se do të ketë mirëkuptim në atë që duhet bërë.
“Sapo çështja e Asociacionit të përfundojë, ne do të shohim përparim në aspekte të tjera të normalizimit”, tha Hill, ku shtoi se të gjithë duhet të jenë të qetë.
Hill u pyet edhe për pikëpamjet e serbëve që liberalizimin e vizave për Kosovën dhe procesin e anëtarësimit të saj në Këshill të Europës e shohin si shpërblim, ambasadori amerikan tha se këto janë procese të ndara, por se i kupton pse serbët ndihen kështu. Më tej, ai tha se Serbia do të jetë anëtare e Bashkimit Europian.
Lini një Përgjigje