FLASH
Shkruar nga Pamfleti
Kryeministri Albin Kurti ka folur për marrëdhëniet që ka me homologun shqiptar, Edi Ramën. Ai ka shuar zërat se mes tyre ka zënka, apo marrëdhënie të ngrira.
I ftuar në “Klan Kosova”, Albin Kurti është shprehur se asnjë kryeministër i Shqipërisë dhe i Kosovës, kushdo qofshin, nuk e kanë luksin e as të drejtën të mos bashkëpunojnë.
“Nuk ka qenë asnjëherë i përkeqësuar, por ne i kemi dallimet e kemi edhe mospajtim. Jemi dy kryeministra që nuk e kemi jo luksin, por as të drejtën të mos bashkëpunojmë. Kushdo që është kryeministër në Shqipëri, kryeministri i Kosovës e ka për detyrë të komunikojë e bashkëpunojë për kundër dallimeve, sepse edhe interesat e qytetarëve tanë dhe kombit mbarë në përgjithësi na kërkojnë një detyrë e një përgjegjësi të tillë”, ka thënë Albin Kurti.
Ju rikujtojmë se më 26 Mars kryeministri Edi Rama zhvilloi një takim me kryeministrin e Kosovës, Albin Kurti në Tiranë.
Takimi është zhvilluar në Vilën 30 dhe ka zgjatur për rreth 2 orë. Në fokus të takimit ka qenë marrëveshja me Serbinë.
Rama ndau një foto me Kurtin dhe tha se e mbështeti kryeministrin e Kosovës për të hedhur hapat e radhës që do të normalizojnë marrëdhëniet me Serbinë. Ai theksoi se e inkurajoi për Asociacionin dhe Kishën Serbe duke shtuar se do të ketë mbështetjen e tij të plotë.
Lini një Përgjigje