FLASH
Shkruar nga Pamfleti
Dushan Maksimoviç, Vladimir Toliç dhe Blagoje Spasojeviç, të arrestuar për sulmin terrorist të ndodhur më 24 shtator të këtij viti në Banjskë të Zveçanit, iu është vazhduar masa e paraburgimit edhe për dy muaj të tjerë.
Tre të dyshuarit për sulmin terrorist në Banjskë, gjendën në masën e paraburgimit që nga 26 shtatori i këtij viti.
Zëdhënësja e Gjykatës Themelore në Prishtinë, Mirlinda Gashi konfirmoi për Telegrafin se: Gjykata Themelore në Prishtinë – Departamenti Special ka aprovuar kërkesën e Prokurorisë Speciale të Republikës së Kosovës, ashtu që të pandehurve V.T., B.S. dhe D.M., iu është vazhduar masa e paraburgimit në kohëzgjatje prej 2 (dy) muaj, për secilin.
Sulmi në Banjskë të Zveçanit nisi në orët e para të mëngjesit të së dielës (24 shtator 2023) ku mbeti i vrarë polici Afrim Bunjaku si dhe u plagosën dy policë të tjerë. Në kunërpërgjigje policia vrau tre terroristë ndërsa sulmuesit e tjerë kishin arritur të largoheshin, pasi ishin strehuar për disa orë në Manastirin e Banjskës.
Lini një Përgjigje