
Kryetari i AAK-së, Ramush Haradinaj, ka pritur ditën e sotme në selinë e partisë, ambasadorin e ShBA-së në Kosovë, Jeffrey Hovenier, ku është diskutuar për dialogun me Serbinë.
Haradinaj tha se gjatë takimit me ambasadorin amerikan, Hovenierin i konfirmoi atij mbështetjen për planin franko-gjerman.
“E konfirmova qëndrimin e Aleancës në mbështetje të Planit Franko-Gjerman duke theksuar se ky plan duhet që Kosovës t’i mundësojë rrugën e njohjes nga Serbia, anëtarësimin në NATO dhe organizatat tjera ndërkombëtare”, shkroi Haradinaj.
Më tej, ai e ka falënderuar Hovenierin për angazhimin e tij dhe të ShBA-së për mbështetjen e vazhdueshme ndaj Kosovës.
Lini një Përgjigje