FLASH
Shkruar nga Pamfleti
Presidenti i Serbisë, Aleksandër Vuçiç ka thënë se nuk mund ta ekstradojë Milan Radoiçiçin në Prishtinë, sepse Serbia nuk e njoh Kosovën. Vuçiç u shpreh se Radoiçiç isht aleat i ngushtë i tij, por jo mik.
Në një intervistë për “Sky News” ai ka prezantuar detaje të reja nga dëshmia e ish-nënkryetarit të Listës Serbe, se një pjesë të armëve, përveç BeH-së, dyshohet se i ka blerë edhe në Serbi dhe Kroaci.
I pyetur për pretendimet e Prishtinës se Beogradi i ka planifikuar ngjarjet në Banjskë, i ka pajisur një grup serbësh me armë dhe për fotografitë e Policisë së Kosovës, të cilat tregojnë se shumica e armëve të konfiskuara janë prodhuar në Serbi, presidenti i Serbisë tha se është gjithmonë më e lehtë të akuzosh Beogradin.
“Kush do të besojë se në fakt është diçka ndryshe, pothuajse askush”, tha Vuçiç në një intervistë të transmetuar nga Kossev.
Presidenti serb theksoi se pjesëtarët e Policisë së Kosovës përdorin edhe armë të prodhuara në Serbi, por se Serbia nuk ua ka shitur atyre.
Lini një Përgjigje