FLASH
Shkruar nga Pamfleti
Emri Vata ka fituar në garën e primareve dhe pritet të jetë kandidati i Foltores për zgjedhjet e pjesshme për Bashkinë e Kukësit.
Ai ka fituar me 271 vota në këtë proces, teksa numri i votuesve pjesmarrës ishte 860.
Në primaret e vitit 2022 numri i pjesmarrësve ishte rreth 940 votues.
Sot demokratët e Kuksit votuan për kandidatin e tyre për bashkinë, i cili do të garojë në 24 shtator, në zgjedhjet e parakohshme pas skandalit seksual të Safet Gjicit.
Në zgjedhen e Vatës është aplikuar procesi i primareve me parimin një anëtar një votë, për përzgjedhjen e kandidatit, që do të përfaqësojë PD dhe forcat opozitare në zgjedhjet e datës 24 Shtator 2023.
Procesi i votimit filloi në orën 08:00 dhe përfundoi në orën 18.00.
Emrat e kandidatëve në garë ishin Ardian Elezi, Emri Vata, Gëzim Shehu, Uran Cengu, Ylber Zeneli.
Tani pas primareve pritet edhe zyrtarizimi i emrit të kandidatit nga PD-ja zyrtare e drejtuar nga Lulzim Basha.
Ndërkohë Albert Halilaj do të jetë kandidati i Partisë Socialiste për kryetar të Bashkisë së Kukësit.
Emri i tij u miratua nga Asambleja e Partisë Socialiste, ndërsa vendimi u bë i ditur nga drejtuesi politik i qarkut, Pandeli Majko.
“Vështirësia është sfidë dhe jo pengesë për familjen tonë! Do ja dalim!”, ka thënë Majko.
Halilaj mban prej pak ditësh postin e Prefektit të Qarkut Kukës.
Këto zgjedhje në Kukës vijnë pas dorëheqjes së ish-kryebashkiakut socialist, Safet Gjici, i cili u përfshi në një skandal seksual.
Lini një Përgjigje