FLASH
Shkruar nga Pamfleti
Në të gjithë vendin vijon procesi i numërimit të votave preferenciale të kandidatëve për deputetë që garojnë në listat e hapura të subjekteve politike, pjesëmarrëse në zgjedhjet e 11 majit.
Bazuar në votat e numëruara deri më tani, rezulton se më i votuar në rang vendi, është Agron Malaj, kandidati i PS-së në Qarkun e Dibrës që numëron 12492 vota preferenciale.
Dhe pas tij renditet Sara Mila, kandidatja socialiste e Qarkut të Elbasanit, që numëron 10693 vota preferenciale, duke lënë pas shumë emra nga peshat e rënda të politikës.
Klevis Jahaj dhe Damian Gjiknuri janë dy emrat e tjerë nga kandidatët e PS-së së listave të hapura që kanë grumbulluar mbi 10 mijë vota preferenciale. Përkatësisht ata kanë marrë 10504 dhe 10031 vota preferenciale.
Ndërkohë nga lista e kandidatëve të PD-ASHM, emri më i votuar rezulton Shkëlqim Shehu, i cili garon në Kukës, dhe që ka 7493 vota preferenciale.
Lini një Përgjigje