FLASH
Shkruar nga Pamfleti
Deputeti Tritan Shehu, ka sjellë në vëmendjen në seancën e sotme plenare votimin në Asamblenë Parlamentare të Këshillit të Europës, pro anëtarësimittë Kosovës.
Ai tha se kjo ishte një ngjarje e rëndësishme për rajonin dhe i hap rrugë njohjes së gjenocidit serb në Kosovë.
“Mendoj që sot ta nisim seancën duke thënë urime Kosovë për votën për anëtarësimin e saj në KiE, ngjarje kryesore për stabilitetit në rajon dhe rrugën europiane të Rajonit.
Është një ngjarje që na përket të gjithëve. Ishte një ngjarje e shumëpritur. Shpresojmë që edhe vendimi i ministrave në maj të jetë i njejtë. Kjo është e rëndësishme për hapjen rrugë të dënimit të Gjenocidit serb në Kosovë”, tha ai.
Asambleja Parlamentare e Këshillit të Evropës në një votim historik i hapi rrugën anëtarësimit të Kosovës në këtë organizatë. Nga 171 deputetë, 131 votuan pro, 29 kundër dhe 11 abstenuan.
Gjatë votimit u rrëzuan amendamentet e propozuara nga Serbia që kundërshtonte anëtarësimin e Kosovës në këtë organizatë. Shumica e deputetëve që morën fjalën e mbështetën anëtarësimin e Kosovës.
Çështja anëtarësimit të Kosovës në KiE tashmë kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.
Lini një Përgjigje