FLASH
Shkruar nga Pamfleti
Teksa qeveria shqiptare “lulëzoi” jetën ekonomike të qytetarëve me uljen 1 lek/kilovat të energjisë elektrike, kryeministri Edi Rama, ka gjetur kohë për t’iu kthyer përgjigje komentuesve në rrjetet sociale, të cilët nuk janë impresionuar nga “bujaria” e tij dhe që pretendojnë se kjo ulje u bë për qëllime elektorale.
Në një video të regjistruar në zyrën e tij në Kryeministri, Rama u shpreh se ky është rasti i vetëm në Europë që çmimi ulet pas nisjes së luftës në Ukrainë. Sipas tij, kurrë nuk ka bërë lëvizje të tilla më parë për zgjedhje, dhe nuk ka pse e bë tani që e ka të sigurt fitoren.
View this post on Instagram
“E parë e punës ne nuk e kemi ngritur kurrë çmimin e energjisë elektrike. Kemi mbajtur një dekadë çmimin fiks 9.5 lekë që për shumicën dërrmuese ishte më i ulët se çmimi që gjetëm kur erdhëm në detyrë prej 13.5 lekësh.
E dyta nuk është ulur çmimi i energjisë në të gjithë botën, por është rritur në shumë vende pas agresionit rus të 29022.
Kjo e jona është ulja e vetme në Europë për familjarët që nga nisja e luftës.
Kush thotë që kjo është ulje elektorale, duhet të më gjejë në tërë këto vite një veprim të kësaj natyre që e kam bërë për vota kundër logjikës ekonomike financiare të vendit apo një rast që një masë pozitive e kemi hequr pas fitores në zgjedhje. Mos e kërkoni kot sepse nuk ka ndodhur.
Kur nuk e kam bërë kur kisha të tjerë në prehër, do ta bëj tani që do të kemi fitoren e dhjetë radhazi, që do të ketë notën 10 për nga thellësia e rezultatit dhe diferenca me kundërshtarët?
Llafet i merr era. Për mua ka rëndësi që shqiptarët do të paguajnë më pak ndërsa pensionistët do të kenë një pension minimal plus si pasojë e kësaj uljeje”, u shpreh ai.
Lini një Përgjigje