FLASH
Shkruar nga Pamfleti
Ish kryeministri Sali Berisha është nisur nga selia blu drejt Parlamentit rreth orës 11:15 për t’u bashkuar me protestuesit e mbledhur jashtë godinës së Kuvendit.
Me forca të shumta sigurie, Sali Berisha i është bashkuar protestës së thirrur prej tij para Kuvendit. Me mbërritjen e tij në protestë, organizatorët, vendosen në sfond muzikë, si një mënyrë për të krijuar më tepër zhurmë.
Edhe Ilir Meta, kryetar i Partisë së Lirisë i është bashkuar protestës së me një numër të vogël protestuesish.
Meta i është bashkuar turmës dhe ka marrë fjalën para Berishës.
Perimetri i godinës së Kuvendit është rrethuar me uniforma blu, ndërsa në të gjithë zonën janë shtuar masat e sigurisë.
700 efektivë policie do të jenë në terren për protestën e thirrur nga Sali Berisha para parlamentit.
Në vijën e parë do të qëndrojnë forcat e rendit dhe të njësisë “Shqiponja”, ndërsa FNSH dhe RENEA do të jenë në pjesën anësore të parlamentit. Ndërsa efektivë të Gardës janë dislokuar në pjesën anësore nga krahu i “Pedonales” nga pritet të bëhet edhe hyrja e deputetëve.
Ndërkohë pritet të ketë kufizime të qarkullimit në rrugën “Xhorxh Bush” dhe pjesërisht në bulevardin “Zhan Dark” dhe kryqëzimi i rrugës së Elbasanit.
Lini një Përgjigje