
Deputeti i PS-së, Etjen Xhafaj debatoi me ish-deputetin demokrat Aldo Bumçi lidhur me atentatin me tritol ndaj kreut të PD në Vaun e Dejës.
Sipas Bumçit, mazhoranca ka nisur një sulm për të vrarë opozitën dhe tani me një sulm me fizik me tritol ndaj kreut të PD në Vaun e Dejës.
Xhafaj iu përgjigj akuzave teksa theksoi se PS nuk do kishte asnjë interes politik të kryente një akt të tillë.
“Kjo është tërësisht konspiracionale, jemi gjitmonë para të njëjtës akuzë. E para, ky akt duhet zbardhur nga organet ligjzbatuese, duhet të ndjekim linjën logjike: çfarë sensi do kishte eliminimi fizik i kreut të PD në një nga 61 bashkitë? E njëjta gjë ndodhi në Kavajë në 2021, ku erdhi e gjithë opozita dhe dolën që e kishin bërë kushërinjtë e kryeministrit. Dhe pastaj kur u verifikua gjithçka nuk doli e tillë historia”, tha Xhafaj në "Euro News".
Lini një Përgjigje