FLASH
Shkruar nga Pamfleti
Një tjetër skandal duket se ka përfshirë infrastrukturën. Këtë rradhë bëhet fjalë për unazën e qytetit të Burrelit, ku rruga ka nisur të cachet pa përfunduar ndërtimi.
Denoncimi është bërë nga Partia Demokratike në një konferencë për mediat.
“Më 22 tetor, në rrjetin e tij social Facebook, Kryeministri publikoi foto nga punimet drejt përfundimit për ndërtimin e unazës në qytetin e Burrelit, ku po hidheshin shtresat e fundit asfaltike, ndërsa kishin përfunduar të gjitha punimet për veprat e artit.
Por e vërteta është krejt tjetër.
Në datën 6 Mars ARRSH lidhi kontratën me kompaninë Ulza shpk (me subjekt mbështetës ASI 2A CO shpk), me objekt ‘Sistemim asfaltim rrugët e Drejtorisë së Rajonit Verior Shkodër’ kundrejt vlerës 1.2 milion euro.
Sipas procedurës së prokurimit të zhvilluar nga ARRSH fituesi që do të kryente mbikqyrjen e punimeve për të njëjtin objekt ishte një bashkim operatorësh (LENI ING SHPK – ANGERBA SHPK), i shpallur fitues në datën 2 qershor të këtij viti pra 3 muaj pasi ishte lidhur kontrata për punët civile më lart, procese këto që ecin paralel me njëri tjetrin pasi asnjë punë ndërtimi nuk mund të zbatohet pa u mbikëqyrur njëkohësisht.
Ndërkohë në tabelën informuese teknike në terren, mbikëqyrës i punimeve nuk shfaqet bashkimi i operatorëve shpallur fitues më lart, por çuditërisht një punëmarrës i ARRSH z. Nikollaq Mihali”, thuhet në deklaratën e PD.
Në vijim theksohet se ndërsa nuk dihet çfarë ndodhi me fituesit në letra të prokurimit për mbikëqyrjen dhe me fondet e shpenzuara për këtë qëllim, e sigurtë është që punimet e ndërtimit për kontratën 1.2 mil euro që u prokurua nga ARRSH, u mbikëqyrën nga punëmarrësi i ARRSH.
Demokratët kanë publikuar edhe një video me pmajet e rrugës. Siç paraqitet nga pamjet, asfalti është çarë e rruga është dëmtuar, e degraduar pa u përfunduar mirë.
Nuk e di me cfar projekti eshte punuar , por qe kjo te ishte “Sistemim Asfaltim…unaza Burrel ” kurre … qe ketu merret me mend se cfar nderyrjesh jane planifikuar . Ky duhet te ishte “eleminim i rreshqitjes Unaza Burrel. Aty ka qene rreshqitje ka shume vite prandaj dhe ka dale jashte funksionit . Nuk mund te behej kjo pa e qepur me dy anet me pilota ku thellesi te percaktohej nepermjet sondave . Me vjen keq qe kane ikur ato lek dhe nuk behet azgje