FLASH
Shkruar nga Pamfleti
Socialistët duket se kanë filluar të ndihen keq për izolimin e Sali Berishës. Deputeti i Partisë Socialiste Arben Pëllumbi i pyetur në lidhje me masën e sigurisë ndaj ish-kryeministrit Sali Berisha, tha se në kuadrin personal mendon se masa të tilla janë të tepruara.
I ftuar në emisionin “Kjo Javë” në News24 me moderatoren Nisida Tufa, ai tha se ashpërsimi i politikave penale të paraburgimit janë të tepruara dhe se masa të tilla nuk duhen marrë ndaj personave me kontribut të caktuar.
“Ashpërsimi i politikave penale të paraburgimit janë të tepruara. Njerëz të cilët kanë një kontribut të caktuar, kolegë tanët apo krahut tjetër që publikisht janë aty, nuk ke pse u jep masa dënimi të rënda deri në pamundësi të veprimeve të tyre”, tha ai.
Ec e merre vesh punë e socialistëve. Deri dje çfarë nuk thoshin, tani që ai është i izoluar kërkojnë të lirohet. Mos vallë qëndron ende ajo shprehja e vjetër se këta janë të gjithë bashkë?
Lini një Përgjigje