FLASH
Shkruar nga Pamfleti
Deputeti Ferdinand Xhaferraj, në një emision ka deklaruar se ndaj ish-kryeministrit Sali Berisha po veprohej me standarde të dyfishta.
Xhaferraj shtoi se nuk është kundër SPAK, por gjykata nuk duhet të sillet si peshore farmacie.
“Për këta që janë në fushë betejë, Berisha është i provuar me dy palë zgjedhje që është aktori më i madh opozitar. Fokusi duhej tek ai ku ka investuar shoqëria, tek sistemi i drejtësisë. Kemi qenë mbështetës të reformës në drejtësi, e para qytetarët nuk kanë qenë të barabartë para ligjit, korrupsioni, pavarësisht se vendimi ishte në bazament të lëkundshëm, aq më shumë për një ish president, ka detyrimin që ta respektojë, kjo që bëri nuk e mbështes, por kemi një por të madh, nëse qytetarët janë të barabartë para ligjit, standardet i kemi pasur të dyfishta, i kufizohet liria një deputeti pa i hequr imunitetin, vetëm 7 faqe relacion e vendos në një bazament të lëkundshëm, nuk heq dorë nga mbështetja ime për SPAK-un, por nuk i kërkojmë SPAK të sillet si peshore farmacie. Problemi që kemi si opozitë, gjithmonë kam argumentuar se Berisha mund të konstruktojë një opozitë të vërtetë. Nuk është në gjendje të konstruktojë një opozitë fituese. Unë e kam të vështirë të mbaj tezën që duhet të japësh dorëheqjen”, tha Xhaferraj në “Top Channel”.
Lini një Përgjigje