FLASH
Shkruar nga Pamfleti
Kreu demokrat Sali Berisha ka justifikuar kandidaten për deputete në Qarkun e Tiranës, Adriana Kalaja, e cila përmes një postimi në rrjetin social, tashmë të fshirë, vendosi 3 çmime që varionin nga 200 në 1 mijë euro për 3 nga ndjekësit e saj.
“Është një keqkuptim, jo shitblerje vote. Siç e kam kuptuar unë. Megjithatë ajo e ka hequr statusin pikërisht se krijon një keqkuptim. Ajo e ka patur fjalën për anëtarët e stafit të saj, siç e kam kuptuar unë.
Cili nga anëtarët e stafit do punojë më shumë, do ketë këtë shpërblim. Por ai status është hequr, pikërisht se kanë menduar se ka krijuar një keqkuptim”, tha Berisha, duke gjetur kështu një justifikim për kandidaten për deputete.
Pak ditë më parë, Kalaja, shprehej se çmimet do ndahen me transparencë në datën 10 maj.
Lini një Përgjigje