FLASH
Shkruar nga Pamfleti
Qeveria italiane pritet të miratojë sot paktin e emigrantëve. Sipas mediave italiane, marrëveshja Rama-Meloni do shqyrtohet nga Këshilli i Ministrave sot pasdite në Palazzo Chigi, në orën 18:00. Ratifikimi përfundimtar i dokumentit që do t’i përcillet Parlamentit do të kryhet gjatë ditës së nesërme.
Projektligji i ratifikimit të memorandumit të mirëkuptimit i nënshkruar nga Giorgia Meloni dhe Edi Rama ishte planifikuar fillimisht të paraqitej dhe miratohej në Këshillin e Ministrave më 27 nëntor.
Materiali do të përmbajë edhe dispozitat e shpenzimeve për zbatimin e marrëveshjes. Është realizimi i një marrëveshjeje të rënë dakort më 15 gusht, gjatë takimit që dy liderët zhvilluan në Shqipëri.
Nga pranvera e vitit 2024, emigrantët e shpëtuar në detin Mesdhe nga anijet italiane do të transferohen në Shqipëri. Italia do të përdorë portin e Shëngjinit, pranë Barit, dhe zonën e Gjadërit, për të ndërtuar me shpenzimet e saj dy struktura një për hyrje, për procedurat e zbarkimit dhe identifikimin, dhe një për pritjen e përkohshme të emigrantëve të shpëtuar në det.
Lini një Përgjigje